اسلام آباد ( آن لائن )اسلام آباد ہائی کورٹ میں ذولفی بخاری کی بطور چئیرمین پی ٹی ڈی سی بورڈ تعیناتی چیلنج کر دی گئی متعلقہ فریقین کو نوٹس جاری کر دیئے گئے اسلام آباد ہائی کورٹ نے وفاقی حکومت سے دو ہفتے میں جواب طلب کرلیا نیشنل ٹورزم کوآرڈینیشن بورڈ کی تشکیل بھی چیلنج مینجنگ ڈائریکٹر پی ٹی ڈی سی تعیناتی کے خلاف درخواست پر بھی نوٹس جاری کیس کی
سماعت اسلام آباد ہائی کورٹ کے جسٹس عامر فاروق کی پی ٹی ڈی سی ملازمین کی جانب سے حافظ عرفات چوہدری ایڈووکیٹ اور کاشفہ نیاز ایڈووکیٹ پیش ہوئے دوران سماعت جسٹس عامر فاروق نے استفسار کیا کہ کس قانون کے تحت نیشنل ٹورزم کوآرڈینیشن بورڈ بنایا گیا وکیل صفائی نے عدالت کو بتایا کہ اٹھارویں ترمیم کے بعد یہ معاملہ صوبوں کو منتقل ہوچکا وفاقی حکومت کو اختیارنہیں چئیرمین بورڈ پی ٹی ڈی سی کی تعیناتی بورڈ کا اختیار ہے کابینہ نے خلاف قانون چئیرمین بورڈ ذولفی بخاری کی تعیناتی کی مینجنگ ڈائریکٹر کی تعیناتی بغیر کسی اشتہار کے کردی گئی درخواست گزار نے عدالت سے استدعا کی کہ ذولفی بخاری کی بطور چئیرمین اور ایم ڈی کی تعیناتی کے ساتھ ساتھ نیشنل ٹورزم کوآرڈینیشن بورڈ کی تشکیل کو غیر قانونی قرار دے کر کالعدم قرار دیا جائے عارف محمود شاہ سمیت پی ٹی ڈی سی کے 14ملازمین نے تعیناتیاں چیلنج کیں ہیں۔
