لاہور(این این آئی) مسلم لیگ (ن) پنجاب کی سیکرٹری اطلاعات عظمیٰ بخاری نے کہا ہے کہ عمران خان اور ان کے حواریوں کا نوازفوبیا ختم ہونے کا نام ہی نہیں لے رہا،نوازشریف کو ٹی وی پر دیکھ کر حکومت کی عمارت لڑکھڑانے لگتی ہے۔

فیاض الحسن چوہان کی پریس کانفرنس پر رد عمل میں میں عظمی بخاری نے کہا کہ نوازشریف کا نام ہی جعلی حکمرانوں کیلئے خطرہ بن چکا ہے،اگر یہ حکومت2023تک قائم رہنی توملک و قوم کے مزید زوال پذیر ہونے اندیشہ ہے،ان کے کل کا پتہ نہیں اورچلے ہیں 2023 تک وزیراعظم رہنے۔ انہوں نے کہا کہ آل عمرانیت اپنے سیاسی حریفوں کو چلتا پھرتا اور کھاتا دیکھنا بھی برداشت نہیں کر سکتے،حکمرانوں نے عام آدمی سے جینے کا حق بھی چھین لیا ہے۔انہوں نے کہا کہ مسلم لیگ (ن)ووٹ کو عزت دو کے بیانیے پر پوری طاقت کے ساتھ کھڑی ہے،(ن) لیگ میں ہر حتمی اور آخری فیصلہ قائد نوازشریف کا ہی ہوتا ہے۔ انہوں نے کہا کہ نوازشریف بہت جلد پاکستان آئیں گے اور دوبارہ وزیراعظم بنیں گے،عمران نامی عذاب الٰہی کو مزید برداشت کرنا اس قوم کیلئے ممکن نہیں،2020تبدیلی اور نئے الیکشن کا سال ہوگا،حکومت کی کرائے کی بیساکھیاں آہستہ آہستہ لڑکھڑانا شروع ہو گئی ہیں، اتحادیوں پر لعن طعن کرنے والے آج ان کے پاؤں چومنے کو تیار ہو گئے ہیں۔

موضوعات:عظمیٰ بخاری