اسلام آباد (این این آئی)کابینہ کی اقتصادی رابطہ کمیٹی نے بجلی کے انیس سوستانوے کے قانون میں ترامیم کی منظوری دیدی،کابینہ سے منظوری کے بعد ترامیم منظوری کیلئے پارلیمنٹ میں پیش کی جائیں گی۔ پیر کو کابینہ کی اقتصادی رابطہ کمیٹی کا اجلاس مشیرخزانہ ڈاکٹرعبدالحفیظ شیخ کی زیر صدارت ہوا کمیٹی نے وزارت بجلی
کی تجویز پرپاورجنریشن ٹرانسمیشن اورڈسٹریبوشن ایکٹ ایکٹ 1997میں ترامیم کی منظوری دیدی ترامیم بجلی ٹیرف کے جلد تعین اوراطلاق سے متعلق ہیں۔کمیٹی نے ترامیم کوحتمی منظوری کیلئے وفاقی کابینہ کوبھجوا دیا کابینہ سے منظوری کے بعد ترامیم منظوری کے لئے پارلیمنٹ میں پیش کی جائیں گی۔
