اسلام آباد (نیوز ڈیسک) سابق آئی ایس آئی چیف مرحوم جنرل (ر) حمید گل کے صاحبزادے محمد عبداللہ گل نے سوشل میڈیا پر جنرل (ر) حمید گل سے منسوب چلنے والے بیان کو من گھڑت اور جھوٹ قرار دیا ہے، واضح رہے کہ سوشل میڈیا پر ان سے منسوب چل رہاہے کہ ”اگر امریکہ ایران پر حملہ کر دے تو میری قبر پر آ کر۔۔۔۔ کر دینا“۔ ان کے صاحبزادے عبداللہ گل نے

اس بیان کی سختی سے تردید کی اور اسے من گھڑت اور جھوٹا قرار دیا ہے۔ انہوں نے اپنے ٹوئٹر پیغام میں کہا کہ اس بات کا نہ ہی کوئی مستند حوالہ ہے اور نہ ہی جنرل صاحب ایسی غیر معیاری زبان استعمال کرتے تھے، میں اس پروپیگنڈا کی سختی سے مذمت کرتا ہوں۔ انہوں نے کہا کہ سوشل میڈیا پرجس نے بھی یہ بات کی ہے میں اس کی سختی سے تردید کرتاہوں۔

مجاہد اسلام جنرل حمید گل رح سے منسوب سوشل میڈیا پر من گھڑت/جھوٹ بات چل رہی ہے کہ “اگر امریکہ ایران پر حملہ کر دے تو میری قبر پر آکر ۔۔۔کر دینا”
اس بات کا نہ ہی کوئی مستند حوالہ ہے اور نہ ہی جنرل صاحب ایسی غیر معیاری زبان استعمال کرتے تھے۔
میں اس پروپیگنڈا کا سختی سے مذمت کرتا ہوں

— Abdullah Gul (@MAbdullahGul) January 6, 2020

موضوعات:محمد عبداللہ گل