کراچی (این این آئی)چند ہزار روپے کے موبائل کوچھیننے کی کوشش، زندگی داؤ پر لگادی، حیران کن ویڈیو سوشل میڈیا پر سامنے آگئی۔تفصیلات کے مطابق رحمان بابا ایکسپریس کراچی سے روانہ ہوئی، تودروازے پر کھڑا ایک نوجوان اپنے موبائل سے ویڈیو بنا رہا تھا کہ ڈرگ روڈ کے قریب دوسری سمت سے آنے والی
خوشحال خان خٹک ایکسپریس کے دروازے پر کھڑے چور نے موبائل چھیننے کی کوشش کی۔چور نے ایک موبائل کی خاطر اپنی زندگی کو خطرے میں ڈالا تاہم چلتی ٹرین سے موبائل فون چھیننے میں ناکام رہا، لیکن موبائل کے کیمرے نے اس کا چہرہ محفوظ کرلیا اور سوشل میڈیا پر ویڈیو بھی وائرل ہوگئی۔
