اسلام آباد (مانیٹرنگ ڈیسک)بطوروفاقی وزیر فواد چوہدری کی تنخواہ کتنی ہے؟ تفصیلات سامنے آگئیں۔ نجی ٹی وی پروگرام میں گفتگو کرتے ہوئے اینکر پرسن نے لوگوں کے معاشی حالات پر بات کرتے ہوئے سوال کیا کہ معیشت کی بہتری کا پتہ تو عوام سے چلے گا جو کام کرتے ہیں اگر ان کے حالات بہتر ہیں تو ملک کے معاشی حالات بھی بہتر ہوں گے۔جس پر وفاقی وزیر فواد چوہدری نے ردعمل

دیتے ہوئے کہا ہے کہ میڈیا میں میری تنخواہ اچھی تھی ، حکومت میں آکر تنخواہ کا بیڑا غرق ہو گیا ، ان کا کہنا تھا کہ میڈیا میں تنخواہیں اچھی ہوتی ہیں ۔ فواد چوہدری نے کہا کہ میری تنخواہ صرف اڑھائی لاکھ رروپے ہے۔فواد چوہدری نے اینکر پرسن شازیہ کو طنز کرتے ہوئے کہا کہ آپ لوگ امیر ہیں ، تاہم میری تو تنخواہ بہت کم ہے۔جب میں میڈیا میں ہوتا تھا میری تنخواہ بھی بہت زیادہ تھی۔