اسلام آباد(مانیٹرنگ ڈیسک)پی پی رہنما نبیل گبول نے کہا عمران خان سعودی عرب جاتے ہیں تو سعودی ولی عہدکہتے ہیں کہ آپ جن لوگوں کولیکر آئے ہو ، وہ پاکستان کیلئے سرمایہ کاری نہیں مانگتے بلکہ وہ کہتے ہیں کہ ہماری کمپنی میں سرمایہ کاری کی جائے ۔نجی ٹی وی پروگرام میں گفتگو کرتے ہوئے نبیل گبول نے کہا کہ 2020پاکستان کونقصان پہنچانے والوں کیلئے سخت سال ہوگا ۔ حکومت نے بیروز گاری عام کردی ہے .

ساڑھے آٹھ لاکھ افراد کو بے نظیر انکم سپورٹ پروگرام سے نکال دیا گیا ہے ۔ انہوں نے کہاکہ عمران خان سعودی عرب جاتے ہیں تو سعودی ولی عہدکہتے ہیں کہ آپ جن لوگوں کولیکر آئے ہو ، وہ پاکستان کیلئے سرمایہ کاری نہیں مانگتے بلکہ وہ کہتے ہیں کہ ہماری کمپنی میں سرمایہ کاری کی جائے ۔ انہوں نے کہاکہ میں ان لوگوں کے نام نہیں لیناچاہتا ۔ اگر آرمی چیف توسیع کابل نہ پاس ہواتوحکومت اپوزیشن کوبدنام کرے گی کہ اپوزیشن کی وجہ سے یہ بل پاس نہیں ہوسکا ۔