سرگودھا(این این آئی)مسلح افراد 70 سالہ بزرگ کو سرعام تشدد کا نشانہ بناتے رہے اور ویڈیو بھی بنائی جو وائرل ہوگئی۔میڈیا ر پورٹ کے مطابق سرگودھا کی تحصیل بھیرہ کے علاقے قصبہ چراگاہ میں انسانیت کی تذلیل کا واقعہ پیش آیا جہاں مسلح افراد نوازنامی 70 سالہ بزرگ شہری کو بہیمانہ تشدد کا نشانہ بناتے رہے۔واقعہ کی ویڈیو میں واضح طور پر دیکھا گیا کہ جدید اسلحہ
سے لیس ملزمان بزرگ کو زمین پر لٹا کر چھڑیوں، ہنٹر اور مکوں لاتوں سے تشدد کرتے رہے تاہم ملزمان کے پاس جدید اسلحہ کے خوف سے کوئی شخص بزرگ کو بچانے نہ آیا۔ہیڈ محرر تھانہ بھیرہ نے کہاکہ بزرگ پر تشدد کے حوالے سے تاحال کوئی درخواست موصول نہیں ہوئی، جیسے ہی درخواست موصول ہوئی قانون کے مطابق کارروائی کی جائے گی۔
