اسلام آباد(مانیٹرنگ ڈیسک) سپریم کورٹ کے جسٹس ریٹائرڈ محمد عارف چوہدری انتقال کر گئے۔نجی ٹی وی کے مطابق جسٹس ریٹائرڈ محمد عارف چوہدری کو ہارٹ اٹیک پر ہسپتال منتقل کیا گیا لیکن جانبر نہ ہو سکے۔ جسٹس ریٹائرڈ محمد عارف چوہدری کی عمر 82 سال تھی۔انہوں نے پسماندگان میں ایک بیوہ، تین بیٹے اور ایک بیٹی سوگوار چھوڑی ہے۔مرحوم سابق ایڈوکیٹ جنرل پنجاب احمد اویس اور جسٹس ریٹائرڈ نذیر احمد کے سمدھی بھی تھے۔
جسٹس ریٹائرڈ محمد عارف چوہدری کے ایک بیٹے عثمان عارف ڈپٹی اٹارنی جنرل ہیں، سلیمان عارف کینیڈا میں رہائش پذیر ہیں۔مرحوم ایڈووکیٹ جنرل پنجاب،وفاقی سیکرٹری قانون،چیئرمین فیڈرل سروس ٹربیونل رہے اور ریٹائرمنٹ کے بعد گیمبیا میں چیف جسٹس کے عہدے پر بھی فائز رہے۔جسٹس ریٹائرڈ محمد عارف چوہدری کی نماز جنازہ اسلم ریاض حسین پارک میں ادا کردی گئی۔چیف جسٹس نے جسٹس ریٹائرڈ محمد عارف چوہدری کے انتقال پر اظہارِ افسوس کیا ہے۔
