فیصل آباد (آن لائن)ٹیکسٹائل انڈسٹری کے سابق وزیرمملکت اورمسلم لیگ ن کے ڈویژنل صدرحاجی اکرم انصاری نے کہاہے کہ پی ٹی آئی کی موجودگی میں 2020کاسال معاشی تبدیلی کانہیں سیاسی تبدیلی کاسال ہے۔ملک کاکوئی ایک طبقہ بھی حکومت سے مطمئن نہیں نئے انتخابات میں مسلم لیگ ن واضح اکثریت کے ساتھ کامیاب ہوگی۔ان کے مقابلہ مٰں کامیاب ہونے والے کونسلربھی منتخب نہیں ہوسکیں گے ۔مسلم لیگ ن پنجاب کے صدرراناثنااللہ خاں کی جھوٹے اوربے بنیادمقدمہ میں گرفتاری اورجن نکات پران کی رہائی کافیصلہ ہواہے اس سے ثابت ہوگیا ہے کہ حکمران صرف سیاسی انتقام

کی پالیسی پرچل رہے ہیں حکومتی اقدامات سے22کروڑلوگ پریشان ہیں جھوٹ اورالزام تراشی کی سیاست سے ملکی ترقی اورعوام کی خوشحالی ممکن نہیں۔ڈیڑھ برس میں ناتجربہ کارحکمرانوں نے معیشت کابیڑہ غرق کیاہے، انہوں نے کہا کہ ساری دنیاکوعلم تھاکہ راناثنااللہ خاں کے خلاف منشیات کاجھوٹاوربے بنیادکیس بنایاگیااس کے باوجود6ماہ سے قسمیں کھاکرجھوٹ کادفاع کرنے والے خداکوکیاجواب دیں گے؟۔انہیں اپنی غلطی کا اعتراف کرکے قوم سے معافی یامستعفی ہوکرگھرچلے جاناچاہئے۔ایسے حکمرانوں پرافسوس کااظہارہی کیاجاسکتا ہے۔