سرگودھا(این این آئی)سرگودھا میں جعلی شادیاں کروا کر لوگوں کو لوٹنے والے گروہ نے اولاد کی خواہش میں دوسری شادی کا خواہاں شخص کو اپنے جھال میں پھنسا لیا۔نوسر باز گینگ میں خواتین سمیت متعدد افراد کو اہم شخصیات کی سرپرستی کا انکشاف ہوا۔
زرائع کے مطابق سرگودھا بھلوال روڈ اربن ایریا کہ علاقہ دین کالونی میں اولاد کی نعمت سے محروم احمد خان کی حمیرا نامی خاتون سے شادی طے ہوئی تو خاتون کے ورثاء نے اخراجات اور تحائف کے لئے اڑھائی لاکھ لے کر حمیرا کا نکاح احمد خان سے ضلع کچہری وکیل کے چیمبر میں کر دیا گیا اور رخصتی گھر سے دی گئی جس کے دو یوم بعد نئی نویلی دلہن شوہر احمد خان کو چھوڑ کر چلی گئی تو ڈرامہ باز ورثاء نے مزید رقم کا مطالبہ کردیا جس کے تحقیق کرنے پر دلہن کا تعلق جعلی شادیاں کروا کر لوٹنے والے گروہ اور بااثر شخصیات کی سرپرستی کا معاملہ سامنے آیا تو شہری نے پولیس سے رابطہ کیا تواحمد خان جگ ہنسائی کے ساتھ ساتھ نوسر باز گروہ اور پولیس کے درمیان شٹل کاک بن کر رہ گیا ہے جس نے حصول انصاف کے لئے ارباب اختیار سے مطالبہ کردیا کہ وہ اس واقعہ کا فوری نوٹس لیں تاکہ آئندہ بااثر افراد کی پشت پناہی پر مشتمل نوسرباز گروہ کی کارروائیوں سے سادہ لوک افراد محفوظ رہ سکیں۔
