اسلام آباد (مانیٹرنگ ڈیسک)نجی ٹی وی پروگرام میں گفتگو کرتے ہوئے سینئر تجزیہ کار سلیم بخاری نے پرویز مشریف کی سزائے موت پر تبصرہ کرتے ہوئے کہا کارگل کی جنگ میں جنرل (ر) پرویز مشرف نے ناکوں چنے چبوائے تھے۔ سلیم بخاری نے کہا کہ بھارت کے 9 میجر جنرل اور 20 بریگیڈئیرز نے کارگل میں بھارتی شکست قبول کی اور اپنے سرحدی دفاع میں ناکامی کا اعتراف کیا۔انہوں نے کہا کہ سابق صدر نے کہا کہ میں گواہ ہوں کہ
کس طرح پرویز مشرف نے پوری دنیا میں پاکستان کا دفاع کیا۔ نجی ٹی وی پر تبصرہ کرتے انہوں نے کہا کہ ہمیں اس دور کے دبائوکو بھی سامنے رکھنا ہوگا، جب یہ تمام چیزیں ہو رہی تھی۔ سلیم بخاری نے کہا تھا کہ چاہے ہیلری کلنٹن سے پوچھ لیا جائے کہ پرویز مشریف نے کس سمجھداری سے امریکا کو ہینڈل کیا۔جس پر ردعمل دیتے ہوئے پروگرام کے اینکر عمران خان نے کہا کہ پرویز مشرف نے امریکا سے فائدہ بھی حاصل کیا اور ان کو ناکوں چنے بھی چبوائے۔
