آرمی چیف قمر باجوہ کی ایکسٹینشن پرافواج پاکستان کا غصہ اس  فیصلے سے بھی زیادہ ہے، کوشش کی جا رہی ہے کوئی حادثہ جنم لے‘‘

اسلام آباد(این این آئی)وفاقی وزیر ریلوے شیخ رشید احمد نے کہا ہے کہ پرویز مشرف کو غدار قرار دیا گیا مگر چوروں اور لٹیروں کو ضمانتیں مل رہی ہیں۔ ایک انٹرویو میں شیخ رشید احمد نے کہا کہ آرمی چیف کی مدت ملازمت سے متعلق جوہوااس پربھی ردعمل تھا، آرمی چیف کی توسیع کوئی پہلی بار نہیں ہورہی تھی تاہم توسیع کے معاملے پر جو بریکنگ نیوز ہوئی اسے اچھا نہیں دیکھا گیا۔ وفاقی وزیر نے کہا کہ عدالتی فیصلے سے اداروں میں فاصلے بڑھتے جارہے ہیں اگر مشرف غدار ہو سکتے ہیں تو ضمانتیں لینے والے چوروں لٹیروں پر کیا

کہیں؟ عدالتی فیصلے میں قانونی تقاضے پورے نہیں کیے گئے، ہمارے پڑوس میں شہریت بل کیخلاف بھرپوراحتجاج چل رہاہے ایسے حالات میں پاک فوج کیخلاف ایسی باتیں کرنے سے نقصان ہوگا۔انہوں نے کہا کہ عدالتی فیصلے پر سخت ردعمل آیا ہے، میرے حلقے میں بھی میں فیصلے پر اضطراب پایاجاتاہے، اہم اداروں کو نہ چھیڑا جائے بہت نقصان اٹھانا پڑسکتا ہے ، پرویز مشرف فیصلے کیخلاف اپیل کاحق رکھتے ہیں۔وزیراعظم عمران خان واپس آکرفیصلہ کریں گے، اسلام آباد اور راولپنڈی کے درمیان کوئی رنجش نہیں ہے سیاسی حکومت اور پاک فوج میں کوئی اختلاف نہیں ہے۔ نجی ٹی وی چینل کو انٹر ویو دیتے ہوئے وفاقی وزیر ریلوے شیخ رشید کا کہنا ہے کہ آرمی چیف کی ایکسٹینشن پرافواج پاکستان کا غصہ اس فیصلے سے بھی زیادہ ہے۔انھوں نے کہا ہے کہ حکومت اور افواج پاکستان کے درمیان تعلقات اچھے ہیں، اپوزیشن تو چاہتی ہےکہ کوئی حادثہ جنم لے۔