اسلام آباد(این این آئی) وفاقی وزیر مراد سعید نے والد کی آسٹریلیا میں گرفتاری کی خبروں کے معاملے پر ملوث افراد کیخلاف ہتک عزت کا نوٹس بھجوانے کا فیصلہ کرلیا ۔ ترجمان تحریک انصاف نے کہاکہ جھوٹی خبر چلانے والے نجی ٹی وی چینل کیخلاف پمرا سے
رجوع کرنے کا فیصلہ کیا گیا ۔ ترجمان تحریک انصاف نے بتایاکہ سماجی میڈیا پر جھوٹی مہم میں ملوث افراد کیخلاف ایف آئی اے کے سائبر ونگ کو درخواست دینے کا فیصلہ کیا ۔ ترجمان نے بتایاکہ مراد سعید کی قانونی ٹیم سے مشاورت مکمل کی گئی ۔
