اسلام آباد(آن لائن)ایک مشکوک خاتون بغیر سفری دستاویزات کے اسلام آباد ایئرپورٹ میں ایف آئی اے کاؤنٹر تک پہنچ گئی جبکہ خاتون کا موقف تھا کہ وہ شہبازشریف کے جہاز تک جانا چاہتی ہے۔نجی ٹی وی کے مطابق ایک ارم ذوالفقار نامی ایک مشکوک خاتون بغیر سفری دستاویزات کے اسلام آباد ایئرپورٹ کے اندر داخل ہو گئی اس دوران خاتون کو کسی جگہ نہیں روکا گیا۔خاتون انٹرنیشنل ڈیپارچر لاؤنج میں قائم ایف آئی اے کے

کنٹرول پر گئی تو وہاں موجود حکام نے ان سے ٹکٹ اور پاسپورٹ سمیت سفری دستاویزات طلب کیں مگر اس سے کچھ بھی نہیں نکلا۔اس پر ایف آئی اے کاؤنٹرپر کھڑے حکام نے خاتون سے پوچھا کہ آپ کہاں جانا چاہتی ہیں تو اس نے جواب دیا کہ وہ شہبازشریف کے جہاز تک جانا چاہتی ہے۔جس کے بعد ایف آئی اے حکام نے خاتون کو حراست میں لے لیا اور مزید تفتیش کے لئے اے ا یس ایف کے حوالے کردیا گیا۔