لاہور(این این آئی)صوبائی وزیر صحت ڈاکٹر یاسمین راشد نے کہا ہے کہ وکلاء نے سارا معاملہ اپنے انتخابات کے تناظر میں لیڈری کیلئے کیا ہے،ڈاکٹر ز نہیں بلکہ حکومت خود اس کیس کو لڑے گی۔ میڈیا سے گفتگو کرتے ہوئے ڈاکٹر یاسمین راشد نے کہاکہ وکلاء اور ڈاکٹروں کے معاملے کو خود دیکھ رہی تھی اور یہ حل ہو گیا تھا،

ہسپتال پر دھاوا بولنا قابل مذمت ہے اور اس میں ملوث کسی شخص سے کوئی رعایت نہیں برتی جائے گی۔ انہوں نے کہا کہ میری وزیر اعلیٰ پنجاب سے بات ہوئی ہے وہ ڈاکٹروں کے ساتھ کھڑے ہیں، وکلاء نے سارا معاملہ اپنے انتخابات کے تناظر میں لیڈر ی کے لئے کیا ہے، ڈاکٹرز نہیں بلکہ حکومت اس کیس کو خود لڑے گی۔

موضوعات:ڈاکٹر یاسمین راشد