لاہور (مانیٹرنگ ڈیسک)پنجاب انسٹیٹوٹ آف کارڈیالوجی میں وکلاء کی توڑ پھوڑ ، کئی گاڑیوں کے شیشے توڑ دیئے ۔ بتایا جارہا ہے کہ لواحقین اپنے مریضوں کو پی آئی سی ہسپتال سے لے کر چلے گئے ہیں ۔ کچھ مریضوں کی حالت تشویشناک بتائی جارہی ہے جبکہ ایسی صورتحال میں
کچھ وکلاء سیٹیاں اور نعرے بازی کرتے ہوئے جشن منا رہے ہیں ۔ وکلاء کی ایک ویڈیو سوشل میڈیا پر وائرل ہوئی ہے جس پر صارفین نے شدید غم و غصے کا اظہار کرتے ہوئے اسے بے حسی کی علامت قرار دیا ہے ۔ دوسری جانب پی آئی سی میں مبینہ طور پر وکلاء کے ہنگامے کے باعث دل کی ایک مریضہ خاتون انتقال کرگئی ۔بتایاگیا ہے کہ وکلاء کی جانب سے اچانک پی آئی سی پر دھاو ا بول دیاگیا جس کے باعث ہسپتال کا سار عملہ غائب ہوگیا ۔ ہنگامہ آرائی کے باعث طبی امداد نہ ملنے پرچند روز قبل علاج معالجے کیلئے پی آئی سی میں داخل ہونے والی غازی آبادی کی رہائشی خاتون گلشن بی بی انتقال کر گئی ۔ گلشن بی بی کے بیٹے عمر فاروق کا کہنا ہے کہ ہفتے کے روز میری والدہ ہسپتال میں داخل ہوئی تھیں اور وکلاء کی ہنگامہ آرائی کے باعث میری والدہ کی طبیعت مزید خراب ہوگئی جس پر ان کو ایمرجنسی میں لے جایا گیا لیکن ڈاکٹرز نہ ہونے کے باعث میری والدہ انتقال کرگئیں ۔
