اسلام آباد (مانیٹرنگ ڈیسک) وزیراعظم عمران خان کو تحریک انصاف کے 20 سے 25 ارکان ووٹ نہیں دیں گے، یہ بات معروف صحافی و تجزیہ کار ڈاکٹر شاہد مسعود نے ایک نجی ٹی وی چینل کے پروگرام میں کہی، انہوں نے کہاکہ اگر عمران خان کے خلاف تحریک عدم اعتماد آئی تو تحریک انصاف کے اپنے ارکان ہی انہیں ووٹ نہیں دیں گے، ڈاکٹر شاہد مسعود نے کہا کہ اپنے ذرائع سے عمران خان اس بات کو کنفرم بھی کر سکتے ہیں،

عمران خان کو چاہیے کہ اپنے ذرائع سے ان کے پاس ایجنسیاں بھی ہیں، اس خبر کو چیک کروا لیں کہ متعدد ارکان اپنے قبلے تبدیل کرنے کے لئے تیار بیٹھے ہیں۔ انہوں نے اپنے تبصرے میں کہا کہ بیس سے پچیس ارکان ایسے ہیں جو ان کا ساتھ چھوڑ دیں گے، ڈاکٹر شاہد مسعود نے انکشاف کرتے ہوئے کہا کہ یہ ارکان کسی بیماری یا دیگر وجوہات کی بناء پر ووٹ نہیں دیں گے، پچیس تک ارکان ووٹوں کی گنتی میں غائب ہوں گے۔