کراچی (آن لائن) سندھ اسمبلی کی قائمہ کمیٹی برائے زکوۃ و عشر میں مستحقین زکوۃ کے نام پر من پسندافراد کو گزارہ الاونس دئیے جانے کا انکشاف ہواہے۔کمیٹی کا اجلاس گزشتہ روز سندھ اسمبلی کے کمیٹی روم میں صدر مفتی محمد قاسم فخری کی صدارت میں منعقد ہوا۔دوران اجلاس یہ انکشاف بھی ہوا کہ مستحقین زکوۃ کے نام پر من پسندافراد کو گزارہ الاونس دیا جارہا ہے جبکہ سرکاری ملازم،سیاسی پس منظر کے حامل افراد زکو کمیٹیوں کے چیئرمین بنادئیے گئے ہیں۔کمیٹی کے سربراہ مفتی قاسم فخری نے محکمہ زکوۃ میں انتظامی ومالی بے ضابطگیوں

پراظہار برہمی کرتے ہوئے کہا کہ لوکل زکو اۃکمیٹیوں کے چیئرمینز ان عہدوں پر رہنے کے اہل ہی نہیں ہیں۔اس موقع پر ڈسٹرکٹ زکوۃ افسر نے کہا کہ مٹیاری میں گزارہ الاونس لینے والے افراد دیکھنے سے ہی مستحق لگتے ہیں،جس پر مفتی قاسم فخری نے کہا کہ زکوۃ کی تقسیم،مستحقین کا تعین دیکھنے سے نہیں شرعی اصولوں پر ہوتاہے۔ضلع جنوبی میں لوکل زکو کمیٹیوں کے چیئرمین سرکاری ملازم ہیں۔50فیصد مستحقین زکو جعلی ہیں۔انہوں نے کہا کہ زکو ۃکمیٹیوں کے انتخاب کے لئے مساجد میں اعلان کیوں نہیں کرایاجاتا ہے۔