اسلام آباد (این این آئی) وزیر خارجہ شاہ محمود قریشی کی تقریر کے دور ان جے یوآئی کے ارکان دھرنا کا تذکرہ کر نے پر برہم ہوگئے اور احتجاج کا اعلان کر دیا ۔ بدھ کو اجلاس میں شاہ محمود قریشی کی تقریر کے دوران جے یو آئی کے ارکان مولانا عبد الواسع، مولانا صلاح الدین اپنی نشستوں پر کھڑے ہوگئے ۔جے یو آئی ارکان نے احتجاج کا اعلان، دھرنا کا تذکرہ کرنے پر شدید برہمی کا اظہار کیا

اور وزیر خارجہ کو جھوٹا کہہ دیا ۔وزیر خارجہ بھی الفاظ پر برہم ہوگئے، اور کہاکہ کیا یہ پارلیمانی روایت ہے کہ تقریر کے دوران پانچ پانچ افراد کھڑے ہوجائیں ۔وزیر خارجہ نے کہاکہ ہم بھی آپ کا طرز عمل اور آئینہ آپ کو دکھانا چاہتے ہیں۔وزیر خارجہ نے کہاکہ میں نے صرف یہ کہاکہ جب گزشتہ دو ماہ سے کشمیر کا مسئلہ چل رہا تھا آپ نے ذاتی اور اندرونی مسایل کو اجاگر کرکے کشمیر کو پس پشت ڈال دیا۔