اسلام آباد (مانیٹرنگ ڈیسک) نان فائلرز کے خلاف ایف بی آر نے گھیرا مزید تنگ کر دیاہے، فیڈرل بورڈ آف ریونیو نے بھاری رقوم کا لین دین کرنے والوں کا ڈیٹا اکٹھا کرنا شروع کر دیاہے، پچاس ہزار سے زیادہ یومیہ کیش نکلوانے والے بھی جواب دیں گے،

ایک نجی ٹی وی چینل کی رپورٹ کے مطابق بینکوں سے بھاری رقوم منتقل کرنے والوں کی تفصیلات جمع کر لی گئی ہیں اور ان لوگوں کو نوٹس جاری کرکے ان سے پوچھ گچھ کی جائے گی۔ واضح رہے کہ بینکوں نے ایف بی آر کو بینک اکاؤنٹ ہولڈز کی تفصیلات دینے پر آمادگی ظاہر کردی، بینکوں نے اکاؤنٹ ہولڈز کی تفصیلات کے حوالے سے عدالت میں مقدمہ کیا ہوا تھا۔ فیڈرل بورڈ آف ریوینو(ایف بی آر)اور پاکستان بینکر زایسوسی ایشن کے درمیان معاہدے پر دستخط ہوگئے، چیئرمین ایف بی آر شبر زیدی کی سربراہی میں اجلاس ہوا۔ذرائع کے مطابق اجلاس میں بینکوں کے سربراہاں نے بینک اکاؤنٹ ہولڈز کی تفصیلات دینے پر آمادگی ظاہر کردی ہے، معاہدے کے بعد 2013 کے بعد ایف بی آر اور بینکوں کے درمیان تنازع کا خاتمہ ہوجائے گا۔واضح رہے کہ بینکوں نے اکاؤنٹ ہولڈز کی تفصیلات کے حوالے سے عدالت میں مقدمہ کیا ہوا تھا، اس معاہدے کے بعد بینک اپنامقدمہ اگلے ہفتے واپس لے لیں گے۔ایف بی آر نے پاکستان بینکر ایسوسی ایشن کے کہنے پر انکم ٹیکس آرڈننس 2001 میں پہلے ہی ترامیم کرا دی ہے، ترامیم کے بعد بینکوں کو تفصیلات دینے کے حوالے سے اب اعتراض ختم ہو جانا چائیے۔  نان فائلرز کے خلاف ایف بی آر نے گھیرا مزید تنگ کر دیاہے، فیڈرل بورڈ آف ریونیو نے بھاری رقوم کا لین دین کرنے والوں کا ڈیٹا اکٹھا کرنا شروع کر دیاہے