مظفر گڑھ (این این آئی)وزیرمملکت زرتاج گل نے کہا ہے کہ کنٹینر پر چڑھنے والے ناکام لوگوں کی کوشش ہے کہ اداروں کو لڑایا جائے، ایسے لوگوں کو ناکامی ہوگی۔مظفرگڑھ میں غیرسرکاری تنظیم کی تقریب میں شرکت کے بعد میڈیا سے گفتگو میں زرتاج گل نے کہا کہ آرمی چیف کی تقرری کے معاملے میں وزیراعظم سے کوئی غلطی نہیں ہوئی۔انہوں نے کہا کہ توسیع دینا وزیراعظم کا اختیار ہے،
اسی قانون کے تحت جنرل کیانی کو بھی توسیع دی گئی تھی۔وزیر مملکت نے کہا کہ جوڈیشری سپریم ہے اور وفاقی کابینہ عمران خان کے ساتھ کھڑی ہے، جوڈیشری، کابینہ اور فورسز ایک پیج پر ہیں۔اس موقع پر ٹماٹر کی قیمت قابو میں نہ آنے کے سوال پر وزیر مملکت زرتاج گل نے شہریوں کو ایک اور مفت مشورہ دے ڈالا، کہتی ہیں جنوبی پنجاب میں بہت زمین ہے شہری زیادہ سے زیادہ سبزیاں اگائیں۔
