اسلام آباد (این این آئی)شہریت منسوخی کیس میں نادرا نے استدعا کی ہے کہ حافظ حمد اللہ کی درخواست مسترد کی جائے۔ڈی جی آپریشنز نادرا کرنل ریٹائرڈ طاہر مقصود خان کی جانب جواب اسلام آباد ہائی کورٹ میں جمع کرادیا گیا ۔نادرا نے کہاکہ نادرا میں نہ حافظ حمد اللہ کے شناختی کارڈ نہ فیملی کے لنک کا پرانا
ریکارڈ ملا،12 دسمبر 2018 کو سیکیورٹی ادارے کی جانب سے حافظ حمد اللہ کو افغان نیشنل قرار دیا گیا۔نادرا نے کہاکہ گیارہ اکتوبر کو سیکیورٹی ادارے کی رپورٹ میں بتایا گیا حافظ حمد اللہ کے دستاویزات بوگس ہیں۔نادرا نے کہاکہ وزارت داخلہ نے حافظ حمد اللہ کی جانب سے دائر اپیل پر 30 اکتوبر کو نوٹس جاری کیا۔
