لاہور( این این آئی ) ایران سے ٹماٹر کے مزید 50کنٹینر کوئٹہ پہنچ گئے ،ایران سے مزید ٹماٹر درآمد کرنے کے سودے بھی طے پا گئے ہیں اوردرآمد کنندگان نے ساڑھے 15ہزار ٹن ٹماٹر کی درآمد کے اجازت نامے حاصل کرلئے ہیں۔ ذرائع کے مطابق ملک میں ٹماٹر کے اچانک بحران کے بعد ایران سے ٹماٹر درآمد کیے جا رہے ہیں جس کا سلسلہ جاری ہے، ایران سے مزید 50کنٹینر کوئٹہ پہنچ گئے جس کی

جلد ملک کے مختلف حصوںمیں ترسیل شروع ہو جائے گی ۔ذرائع کے مطابق ایران سے مزید ٹماٹر درآمد کرنے کے سودے بھی طے پا گئے ہیں اور اس سلسلے میں مزید امپورٹ پرمٹ جاری کیے جا چکے ہیں، درآمد کنندگان نے ساڑھے15ہزار ٹن ٹماٹر درآمد کے اجازت نامے حاصل کیے ہیں۔فروٹ اینڈ ویجی ٹیبل ایسوسی ایشن کے مطا بق دو روز قبل ایران سے 1276 ٹن ٹماٹر پاکستان پہنچ چکا ہے۔