لاہور(این این آئی)پاکستان مسلم لیگ(ن) نے نواز شریف اورمولانا فضل الرحمن کے درمیان ٹیلیفونک رابطے کی تردید کرتے ہوئے کہا ہے کہ سابق وزیر اعظم شدید علیل ہیں وہ کسی سیاسی سرگرمی یا سیاسی بات چیت نہیں کررہے۔ مرکزی سیکرٹری اطلاعات مریم اورنگزیب نے کہاکہ سابق وزیراعظم محمد نواز شریف کی صحت تشویش ناک ہے،
وہ کسی کا ٹیلی فون نہیں سن رہے،سابق وزیراعظم مکمل طور پر ڈاکٹرز کی ہدایات پر عمل کررہے ہیں۔ انہوں نے کہا کہ آزادی مارچ کے حوالے سے پارٹی صدر سمیت پوری پارٹی اپنے قائد کے خط کے مطابق عمل کررہی ہے۔سابق وزیراعظم ہسپتال میں قیام سے تاحال مکمل طور پر سیاسی معاملات سے لاتعلق ہیں۔
