میرپور خاص (این این آئی) میرپورخاص کے علاقے ڈگری میں دو سر والے بچے کی پیدائش ہوئی ہے، نومولود بچے کے دو سر ہیں، ہاتھ پیر سمیت باقی جسم نارمل ہے۔ تفصیلات کے مطابق ڈگری میں نجی اسپتال سندھ میڈیکل سینٹر ڈگری میں نیو دمبالو کے رہائشی علی محمد کھوسو کی بیوی کے ہاں دو سر والے بچے کی پیدائش ہوئی، فوزیہ زوجہ علی محمد کھوسو کا آپریشن سندھ میڈیکل سینٹرمیں ہوا ،بچے کو دونوں سر جسم کے ساتھ جڑے ہوئے ہیں اور بچہ ابھی تک زندہ ہے، نجی ہسپتال کے انچارچ ڈاکٹر منصور بھڑ گڑی
سے جب اس سلسلے میں معلومات لیں تو انکا کہنا تھا کہ زچہ اور بچہ دونوں کی صحت ٹھیک اور تندرست ہیں بچہ میل ہے اور اسکے سر کا الگ ہونا مشکل ہے دونوں کے سر جدا کرنے کے حوالے سے کوئی ماہر کنسلٹنٹ ڈاکٹر ہی بتا سکتا ہے، دوسری جانب بچے کے والد علی محمد کھوسو کا کہنا تھا کہ یہ سب قدرت کی جانب سے ہے، ہمیں ڈاکٹر نے بچے کو کراچی لیجانے کا کہا ہے ہم بچے کو کراچی لیکر جائیں گے اور بچے کی زندگی بچانے کے لیے ہر ممکن کوشش کریں گے
