اسلام آباد(مانیٹرنگ ڈیسک)پاک فضائیہ کے اسکوارڈن لیڈر شہید محمد ندیم قاسمی کی جگہ 22 سال بعد ان کے بیٹے نے لے لی،میڈیا رپورٹس کے مطابق 10 ستمبر 1997 کو محمد ندیم قاسمی نے اس وقت جام شہادت نوش کیا جب ان کے طیارے کو رن وے پر حادثہ پیش آیا۔سرحدوں کا دفاع کرنے والے محمد ندیم قاسمی کی شہادت کے وقت ان کے بیٹے انزہ ندیم قاسمی کی عمر3 برس تھی۔اب انزہ ندیم بطورفلائٹ لیفٹیننٹ پاک فضائیہ میں اسی

اسکوارڈن کا حصہ ہیں جس میں ان کے والد اپنی خدمات سر انجام دے چکے ہیں ۔ٹوئٹر پر ہارون نامی صارف نے بتایا کہ محمد ندیم قاسم ان کے بھائی کے دوست تھے ۔ انہوں نے یہ بتایاکہ وہ محمد ندیم قاسمی سے 94ء میں یوم دفاع کے موقع پر سرگودھا ائیر بیس پر ملاقات بھی کر چکے ہیں ۔پی ٹی آئی کی رکن صوبائی اسمبلی مومنہ باسط نے بھی اپنے ایک ٹوئٹ میں تصویر شیئر کی جس میں انہوں نے پاک فضائیہ کے اس سپوت کا تذکرہ کیاہے۔