پشاور(آن لائن)عوامی نیشنل پارٹی کے مرکزی صدر اسفندیار ولی خان نے بیماری کی حالت میں سابق صدر آصف علی زرداری کو ہسپتال سے جیل منتقلی کا سختی مذمت کرتے ہوئے کہا ہے کہ آصف علی زرداری کو علاج کا بنیادی سہولت فراہم نہ کرنا انسانی حقوق کی خلاف ورزی ہے اور ایک بار پھر یہ واضح کیا جارہا ہے کہ
یہ فیصلے سیاسی اختلاف کے سبب کیے جارہے ہیں،آصف علی زرداری کی جیل منتقلی اور ملاقاتوں پر پابندی پر اپنا ردعمل دیتے ہوئے اسفندیار ولی خان نے کہا کہ ڈاکٹروں کے فیصلے برعکس آصف علی زرداری کو جیل منتقلی انتقامی سیاست کا کھلا ثبوت ہے،اسی طرح آصفہ بھٹو زرداری کو بھی اپنے والد سے ملاقات کی اجازت نہ دینا بھی کوئی جواز نہیں رکھتا،کیا بیماری کی حالت میں ایک بیٹی اپنے والد سے ملاقات نہیں کرسکتی؟اسفندیار ولی خان نے مزید کہا کہ عدالت آصف علی زرداری کے بچوں کو اجازت دے چکی ہے کہ وہ اپنے والد سے ملاقات کریں کیا آصفہ کو ملاقات کی اجازت نہ دینا توہین عدالت نہیں؟اسفندیار ولی خان نے اپنے بیان میں آصف علی زرداری کو فوری طور پر ہسپتال منتقل کرنے کا مطالبہ کرتے ہوئے کہا کہ انتقامی کاروائی کی بجائے آصف علی زرداری کو فوری طور پر ڈاکٹرز کے ہدایات کے مطابق ہسپتال منتقل کیا جائے۔ عوامی نیشنل پارٹی کے مرکزی صدر اسفندیار ولی خان نے بیماری کی حالت میں سابق صدر آصف علی زرداری کو ہسپتال سے جیل منتقلی کا سختی مذمت کرتے ہوئے کہا ہے کہ آصف علی زرداری کو علاج کا بنیادی سہولت فراہم نہ کرنا انسانی حقوق کی خلاف ورزی ہے اور ایک بار پھر یہ واضح کیا جارہا ہے کہ یہ فیصلے سیاسی اختلاف کے سبب کیے جارہے ہیں
