لاہور(این این آئی) حکومت سے کامیاب مذاکرات کے بعد نان بائی ایسوسی ایشن نے احتجاج ختم کر دیا، تنور مالکان کی جانب سے مطالبات کے حق میں جزوی ہڑتال ہوئی جس کی وجہ سے عوام کو مشکلات کا سامنا رہا۔ تفصیلات کے مطابق نان بائی ایسوسی ایشن نے اپنے مطالبات کے حق میں شٹر ڈاؤن ہڑتال کر کے ناصر باغ میں احتجاج کیا۔
ایسوسی ایشن کے صدر آفتاب گل نے کہا کہ سوئی گیس اور آٹے کے نرخوں میں مسلسل اضافہ ہو رہا ہے۔ گزشتہ کئی سالوں سے سادہ روٹی 6روپے میں فروخت کر رہے ہیں لیکن مطالبات کی شنوائی نہ ہونے پر کاروبار بند کرنے پر مجبو رہوئے ہیں۔ بعدازاں لاہور کے مختلف مقامات سے آنے والے تنو رمالکان نے کچہری چوک میں دھرنا دیدیا جس سے ٹریفک کا نظام معطل ہو گیا۔ ڈپٹی کمشنر صالحہ سعید نے مظاہرین سے مذاکرات کئے اور انہیں مطالبات تسلیم کرنے کی یقین دہانی کرائی جس پر عہدیداروں نے احتجاج او رہڑتال ختم کرنے کا اعلان کردیا۔ایسوسی ایشن کے صدر آفتا ب گل نے کہا کہ ڈپٹی کمشنر کی جانب سے مطالبا ت تسلیم کرنے کی یقین دہانی کر ادی گئی ہے۔مہنگائی کی وجہ سے سادہ روٹی چھ روپے میں فروخت کرنا ممکن نہیں۔امید ہے قیمتوں کے حوالے سے تین سے چار روز میں معاملہ طے پا جائے گا۔ حکومت سے کامیاب مذاکرات کے بعد نان بائی ایسوسی ایشن نے احتجاج ختم کر دیا، تنور مالکان کی جانب سے مطالبات کے حق میں جزوی ہڑتال ہوئی جس کی وجہ سے عوام کو مشکلات کا سامنا رہا۔ تفصیلات کے مطابق نان بائی ایسوسی ایشن نے اپنے مطالبات کے حق میں شٹر ڈاؤن ہڑتال کر کے ناصر باغ میں احتجاج کیا۔ ایسوسی ایشن کے صدر آفتاب گل نے کہا کہ سوئی گیس اور آٹے کے نرخوں میں مسلسل اضافہ ہو رہا ہے۔
