لاہور( این این آئی)ریلوے پولیس نے کامیاب کارروائی کر کے لاہور سے بھارت ہیروئین سمگل کرنے کی کوشش ناکام بنا دی،ہیروئن کے 555گرام وزن کے دو پیکٹ لاہور سے بھارت جانے والی گڈز ٹرین کی بوگی نمبر 60618 میں چھپائے گئے تھے ۔ تفصیلات کے مطابق پاکستان ریلوے پولیس انسپکٹر غلام عباس کھچی، انسپکٹر
رانا بابر و دیگر عملے نے دوران چیکنگ ہیروئن برآمد کر لی ۔ ہیروئن کے 555گرام وزن کے دو پیکٹ گڈز ٹرین کی بوگی نمبر 60618میں چھپائے گئے تھے ۔ریلوے پولیس کی مدعیت میں پرچہ بھی درج کر لیا گیا ہے جبکہ ڈی آئی جی ہیڈکوارٹرز شارق جمال خان نے ڈی ایس پی افتخار کی سربراہی میں خصوصی تحقیقاتی ٹیم تشکیل دیدی ہے جو تین دن میں تفتیش کرکے رپورٹ پیش کرے گی۔
