وادی نیلم میں ہونیوالی تباہی کے دوران آنیوالی تصویر نے سب کو رلا دیا،کتنے افراد تاحال لاپتہ ہیں؟انتظامیہ نے مقامی لوگوں کو ہدایات جاری کردیں

  منگل‬‮ 16 جولائی‬‮ 2019  |  12:24

مظفر آباد(سی پی پی،مانیٹرنگ ڈیسک) وادی نیلم میں سیلابی ریلے میں بہہ جانے والے 3 افراد کی لاشیں مل گئی ہیں جب کہ مزید افراد کی تلاش کے لیے ریسکیو آپریشن جاری ہے۔اس تباہی کے دوران ایک شخص کی تصویر بھی سامنے آئی ہے جس نے سب کو اشکبار کردیا ہے، تصویر میں دیکھا جاسکتا ہے کہ ایک شخص سیلابی پانی میں اوندھے منہ پڑا ہے۔ ایمرجنسی کنٹرول روم کے مطابق سیلابی ریلے میں بہہ جانے والے 19 افراد تاحال لاپتہ ہیں۔ ضلعی انتظامیہ نے دریائے نیلم میں پانی کی سطح میں اضافے کی وجہ سے عوام کو دریا سے دور رہنے


کی ہدایت کی ہے۔ دوسری جانب ریسکیو اور ریلیف آپریشن کے لیے مزید ٹیموں کو روانہ کردیا گیا ہے جب کہ بے گھر ہونے والے خاندانوں کو محفوظ مقامات پرمنتقل کرنے کا سلسلہ بھی جاری ہے۔واضح رہے کہ گزشتہ روز وادی نیلم میں لیسوا کے مقام پر طوفانی بارش اور سیلابی ریلے نے تباہی مچادی تھی جس کے نتیجے میں 28 افراد جاں بحق اور درجنوں لاپتا ہوگئے۔

loading...