سرگودھا(این این آئی)لائن آف کنٹرول چمب سیکٹر برنالہ کے قریب شہید ہونیوالے پاک آرمی کے پانچ جوانوں میں سے دو شہداء کو سرگودھا اور خوشاب میں سپردخاک کر دیا گیا۔زرائع کے مطابق پاک آرمی کے 22سالہ شہید نوجوان غلام قاسم ولد محمد رمضان کا تعلق سرگودھا کے علاقہ ساہیوال محلہ شمس آباد سے ہے جس کو آبائی گاوں میں پورے فوجی اعزاز کے ساتھ سپردخاک کر دیا گیا۔ محنت کش محمد رمضان کے 22سالہ بیٹے غلام قاسم نے دو سال قبل پاک فوج میں ملازمت اختیار کی۔
جس کی نماز جنازہ ونیاں والی ساہیوال میں ادا کی گئی اور میت کومقامی قبرستان میں پاکستانی پرچم میں لپیٹ کر سپرد خاک کر دیا گیا شہید کی قبر پر پاک آرمی کے دستے نے سلامی دی۔اسی طرح دوسرے سپوت 22سالہ شہید جوان طیب حسین ناصرولدناصرحسین کا تعلق ریجن میں وادی سون کے علاقہ سورکی سے تھا جس کی آٹھ ماہ قبل شادی ہوئی تھی جس کو نماز جنازہ آجرات آبائی گائوں میں ادا کر کے پورے فوجی اعزازکیساتھ سپردخاک کیا گیا۔قبر پر پاک آرمی کے دستے نے سلامی دی۔
