اسلام آباد (نیوز ڈیسک) نہ کوئی ٹیسٹ اور نہ ہی انٹرویو، حکومت نے سرکاری ملازمین کی قرعہ اندازی کے ذریعے بھرتی کا فیصلہ کر لیا، ذرائع کا کہناہے کہ حکومت نے گریڈ 1 سے گریڈ 5 تک کی ملازمتوں پر بھرتی کی پالیسی تبدیل کرتے ہوئے قرعہ اندازی کے ذریعے بھرتی کرنے کا فیصلہ کیا ہے۔ طریقہ کار وضع کرنے
کے لیے اسٹیبلشمنٹ ڈویژن نے وزارت قانون کو سمری بھیج دی ہے۔ اس پالیسی میں تبدیلی کے لیے متعلقہ سر کاری قوائد و ضوابط میں بھی تبدیلی لائی جائے گی۔ اگر یہ پالیسی بن جاتی ہے تو من پسند اور سفارشی لوگوں کی بھرتی سے نجات مل جائے گی اور حق دار اور غریب لوگوں کو بغیر سفارش ملازمت مل سکے گی۔
