اسلام آباد(مانیٹرنگ ڈیسک)معروف سوشل میڈیا ایکٹویسٹ اور بلاگر محمد بلال خان اسلام آباد میں قتل ،میڈیا رپورٹس کے مطابق معروف سوشل میڈیا ایکٹویسٹ اور دینی حوالے سے اپنی الگ اور منفرد شناخت رکھنے والے نوجوان بلاگر محمد بلال خان کو نامعلوم افراد نے بھارہ کہو اسلام آباد میں
گولیاں مار کر قتل کر دیا اور موقع سے فرار ہونے میں کامیاب ہو گئے ،ذرائع کے مطابق نامعلوم قاتلوں نے محمد بلال خان کو فون کر کے گھر سے بلایا اور اندھا دھند فائرنگ کر کے قتل کر دیا ،محمد بلال خان کو شدید زخمی حالت میں پمز ہسپتال لایا گیا تاہم وہ زخموں کی تاب نہ لاتے ہوئے چل بسے۔
