اسلام آباد (آن لائن) ملک بھر میں سونے کی فی تولہ قیمت میں 2700 روپے اضافہ‘ سونا 75900 فی تولہ کی بلند ترین سطح پر پہنچ گیا‘ صرافی مارکیٹ کے مطابق ملک بھر میں سونے کی قیمت میں 2700 روپے فی تولہ اضافہ ہوا ہے اور سونے کی فی تولہ قیمت 75900 روپے جبکہ 10 گرام سونے کی قیمت 6072 روپے اضافے کے بعد 60720 روپے ہوگئی ہے

سونے کی قیمت میں حالیہ اضافہ کے بعد سونا تاریخ کی بلند ترین سطح پر پہنچ  گیا ہے۔ قبل ازیں ڈالر ملکی تاریخ کی بلند ترین سطح پر پہنچ گیا ہے جس کے بعد انٹر بینک اور اوپن مارکیٹ میں ڈالر 156 روپے پر ٹریڈ کررہا ہے۔تفصیلات کے  مطابق روپے کی قدر میں مسلسل کمی کا سلسلہ جاری ہے اور ڈالر ایک بار پھر ملکی تاریخ کی بلند ترین سطح پر پہنچ گیا ہے، دن کے آغاز پر فاریکس ڈیلرز کے مطابق انٹر بینک میں ڈالر 1.30 روپے اضافہ سے 154.20 روپے جب کہ اوپن مارکیٹ میں ڈالر کی قیمت ایک روپے اضافے کے بعد 154.50 پیسے پر پہنچ گئی تھی تاہم کچھی ہی دیر بعد ڈالر کی قمیت 156 روپے تک جاپہنچی۔فاریکس ڈیلرز کے مطابق روپے کی قدر میں ریکارڈ بے قدری کا سلسلہ جاری ہے، انٹر بینک میں 3.10 روپے اور اوپن مارکیٹ میں 3.50 روپے کا اضافہ ہواجس کے بعد انٹر بینک اور اوپن مارکیٹ میں ڈالر 156 روپے پر ٹریڈ کررہا ہے۔ اوپن مارکیٹ میں 13 روز میں ڈالر کی قیمت 7 روپے بڑھ گئی جب کہ رواں ماہ انٹربینک میں ڈالر 8 روپے 8 پیسے مہنگا ہوا، روپے کی قدر کم ہونے سے جون کے مہینے میں قرضوں کی مالیت میں 800 ارب روپے کا اضافہ ہوا ہے۔واضح رہے کہ گزشتہ چند ماہ کے دوران روپے کے مقابلے میں ڈالر کی قدر میں 10 روپے سے زائد کا اضافہ دیکھنے میں آیا ہے۔  ملک بھر میں سونے کی فی تولہ قیمت میں 2700 روپے اضافہ‘ سونا 75900 فی تولہ کی بلند ترین سطح پر پہنچ گیا