لاہور(این این آئی)پاکستان پیپلزپارٹی نے حکومت کیخلاف سڑکوں پر آنے کی تیاری کرلی ۔ذرائع کے حوالے سے بتایا گیا ہے کہ بلاول بھٹو نے21جون سے ملک گیر رابطہ شروع کرنے کا فیصلہ کرلیا۔21جون کو نوابشاہ میں جلسہ عام کا انعقاد کیا جائے گا جس سے بلاول بھٹو زرداری خطاب کریں گے۔

رواں ماہ پنجاب کے مختلف شہروں میں بھی ریلیاں اور جلسے منعقد کیے جائیں گے۔ ذرائع نے بتایا کہ پیپلزپارٹی کا عوامی رابطہ مہم دو ماہ تک جاری رکھنے کا امکان ہے۔ بلاول بھٹو زرداری اگست کے اختتام تک کراچی تا کشمیر مختلف اضلاع میں رابطہ مہم کے تحت دورہ کریں گے۔

موضوعات:پاکستان پیپلزپارٹی