لاہور(این این آئی) مسلم لیگ (ن) کے مرکزی رہنماؤں کی پریس کانفرنس کے دوران خواجہ آصف کے چٹکلے پر قہقے بلند ہوئے۔ گزشتہ روز شاہد خاقان عباسی نے خواجہ آصف، احسن اقبال، رانا ثنا اللہ، مریم اورنگزیب کے ہمراہ مرکزی سیکرٹریٹ ماڈل ٹاؤن میں پریس کانفرنس کی۔ خواجہ آصف
نے دوران پریس کانفرنس کہا کہ سنا گیا ہے کہ قوم سے خطاب کے دوران میک اپ کے لئے بھی بریک لیا گیا، ہینڈ سم جو ہیں، جب بھی شک ہوتا فوری برش پھیرنا شروع کر دیا جاتا۔ خواجہ آصف کی بات پر نہ صرف پریس کانفرنس کرنے والے تمام رہنما بلکہ صحافیوں نے بھی قہقہ لگایا۔
