لاہور(این این آئی) پاکستان پیپلز پارٹی کے رہنماؤں نے آصف علی زرداری کی گرفتاری کی شدید مذمت کرتے ہوئے کہا ہے کہ ایسی انتقامی کارروائیوں سے حکومت کے لئے بجٹ منظو ر کرانا مشکل ہو جائے گا،آج قومی اسمبلی میں بجٹ تقریر کے دوران دما دم مست قلندر ہو گا۔پیپلز پارٹی پنجاب کے جنرل سیکرٹری چودھری منظور نے کہا کہ آصف زرداری کی رخواست ضمانت کا مسترد ہونا حکومت کو بہت مہنگا پڑے گا.،
نیب عدالت میں ثبوت پیش کرنے میں ناکام رہی،ایسی انتقامی کارروائیوں سے حکومت کیلئے بجٹ منظور کروانا مشکل ہو جائے گا۔ انہوں نے کہا کہ صاف نظر آرہا ہے نیب کے اس کیس میں سیاسی مقاصد ہیں،سلیکٹڈ حکومت کسی بھول میں ہے، پیپلزپارٹی کبھی گرفتاریوں سے نہیں گھبراتی۔ انہوں ے کہا کہ آج قومی اسمبلی میں بجٹ تقریر کے دوران دمادم مست قلندر ہوگا۔ انہوں نے کہا کہ پیپلز پارٹی جمہوریت اور آئین کیلئے کوئی سمجھوتہ کرے گی اور نہ بلیک میل ہوگی۔پیپلز پارٹی کو دیوار سے لگانے کی کوشش حکومت کی بنیادیں ہلا دے گی۔پنجاب اسمبلی میں پارلیمانی لیڈر سید حسن مرتضی نے کہا کہ آصف زرداری کی گرفتاری سے عمران خان کی الٹی گنتی شروع ہو گئی ہے۔آصف زرداری اندر نہیں گئے عمران خان کے باہر جانے کا بندوبست کیا گیا ہے،اب دمادم مست قلندر ہوگا، نیازی بھاگے گا اور دنیا دیکھے گی۔ا نہوں نے کہا کہ عوام اب چندہ چوروں کو نکال کر باہر پھینکیں گے، آج جیالوں نے ہلکی سی جھلک دکھائی ہے،جیالے مرکزی قیادت کے اشارے کے منتظر ہیں، قیادت کا اشارہ آ گیا تو سڑکیں کم پڑ جائیں گی۔ پاکستان پیپلز پارٹی کے رہنماؤں نے آصف علی زرداری کی گرفتاری کی شدید مذمت کرتے ہوئے کہا ہے کہ ایسی انتقامی کارروائیوں سے حکومت کے لئے بجٹ منظو ر کرانا مشکل ہو جائے گا،آج قومی اسمبلی میں بجٹ تقریر کے دوران دما دم مست قلندر ہو گا۔پیپلز پارٹی پنجاب کے جنرل سیکرٹری چودھری منظور نے کہا کہ آصف زرداری کی رخواست ضمانت کا مسترد ہونا حکومت کو بہت مہنگا پڑے گا
