اسلام آباد (مانیٹرنگ ڈیسک) پیپلز پارٹی کے شریک چیئرمین آصف علی زرداری کو آج گرفتار کر لیا گیا ہے اور انہیں نیب میلوڈی آفس پہنچا دیا گیا ہے، آصف علی زرداری کی گرفتاری پر پیپلز پارٹی کے کارکنوں کا احتجاج بڑھتا جا رہا ہے، سندھ کے کافی اضلاع میں احتجاج کا سلسلہ جاری ہے اور جگہ جگہ ٹائر جلائے جا رہے ہیں، بہت سارے اضلاع میں کاروباری مراکز بھی بند کروا دیے گئے ہیں،
لاہور میں بھی پیپلز پارٹی کے کارکنوں نے احتجاج کا آغاز کر دیا ہے، لاہور میں ٹائر جلا کر میٹرو بسوں کی آمد و رفت روک دی گئی ہے، دوسری جانب پیپلز پارٹی کے چیئرمین بلاول بھٹو اپنے کارکنوں کو پرامن رہنے کی مسلسل تلقین کر رہے ہیں، ان کا کہنا ہے کہ کارکن پرامن رہیں اور مشتعل نہ ہوں، پیپلز پارٹی کی قیادت جو بھی فیصلہ اور لائحہ عمل اختیار کرے گی انہیں آگاہ کر دیا جائے گا۔
