اسلام آباد ( آن لائن) پاکستان تحریک انصاف کے رہنما ریاض فتیانہ نے دعویٰ کیا ہے کہ بی این پی مینگل کے علیحدہ ہونے سے تحریک انصاف کی حکومت کو کوئی فرق نہیں پڑے گا۔تفصیلات کے مطابق میڈیا سے گفتگو کرتے ہوئے تحریک انصاف کے رہنما ریاض فتیانہ نے کہا ہے کہ ہمارے پاس اتنی اکثریت ہے کہ کسی ایک جماعت کے جانے یا کسی ایک سیٹ کے جانے سے اکثریت کم نہیں ہو گی۔انہوں نے کہا کہ اختر مینگل ایک اچھی شخصیت ہیں اور
ہمارے بہترین دوست بھی ہیں۔ان کے گلے شکوے بھی اپنی جگہ ہیں۔ہم ان کے مسائل حل کرنے میں بھرپور تعاون کرنے کی کوشش کریں گےاور جب انہوں نے وزیراعظم کو ووٹ دیا تھا تب یہی یقین دہانی کروائی تھی کہ وہ حکومت بنانے میں مدد کریں گے اس کے بعد وہ آزاد بنچوں پر بیٹھیں گے اور خود یہ فیصلہ کریں گے کہ کہاں کہاں حکومت کو سپورٹ کرنا ہے اور کہاں نہیں۔بی این پی مینگل ابھی تک اپوزیشن کے ساتھ شامل نہیں ہوئی اور ہمارے درمیان رابطہ ہے۔
