راولپنڈی(این این آئی)عید کے تین روز میں مری میں 55 ہزار 04 سو 60سے زائد گاڑیاں داخل ہوئیں، 29 ہزار 7سو 69 کے قریب گاڑیاں واپس گئی ہیں ۔ترجمان ٹریفک پولیس کے مطابق سی ٹی او نے افسران و اہلکاروں کو ہدایت کی کہ مری میں موجود ٹریفک کے بہترین انتظامات برقرار رکھے جائیں۔ ٹریفک پولیس کی جانب سے مری آنے والے سیاحوں کے لئے ٹریفک ایڈوائزری جاری کر دی گئی ۔ترجمان کے مطابق ٹریفک پولیس

سیاحوں کو ٹریفک سہولیات پہنچانے کیلئے پرعزم ہے ، ترجمان کے مطابق مری میں سیاح گاڑی غلط پارکنگ سے گریز کریں، ترجمان کے مطابق سیلفیاں بنانے کے لیے سٹرک کے اوپر گاڑیاں کھڑی کرکے ٹریفک روانی متاثر نہ کریں۔ ترجمان کے مطابق رش میں ڈبل لائن ہر گز نہ بنا ئیں تاکہ روڈ یوزرز کو ٹریفک پریشانی نہ ہو۔ترجمان کے مطابق ٹریفک پولیس کے ساتھ تعاون سے ہی بہتر ٹریفک سہولیات میسر آ سکیں گی۔