اسلام آباد(نیوز ڈیسک)تحریک انصاف کے رہنما اور وفاقی وزیر برائے سائنس و ٹیکنالوجی فواد چودھری کو تحریک انصاف کور کمیٹی کا رکن منتخب کر لیا گیا ہے، وفاقی وزیر نے اپنے ٹویٹ میں کور کمیٹی کا رکن منتخب کرنے پر وزیراعظم عمران خان کا شکریہ ادا کیا ہے، واضح رہے کہ فواد چودھری پارٹی سے کچھ عرصے سے ناراض تھے خصوصاً جب سے وزیراطلاعات کا منصب ان سے لیا گیا اس وقت

سے زیادہ ناراض تھے۔ اب انہیں پارٹی میں بڑا عہدہ دے دیا گیا ہے، پاکستان تحریک انصاف کے سیکرٹری جنرل ارشد داد خان کی جانب سے نوٹیفکیشن جاری کیا گیا تھا جس کے مطابق صرف چند پارٹی عہدے بحال رکھے گئے تھے اور باقی تمام پارٹی عہدے ختم کر دیے گئے تھے۔ ایک بار پھر تحریک انصاف کی تنظیم نو کی جا رہی ہے اور فواد چودھری کو کور کمیٹی کا رکن منتخب کر لیاگیا ہے۔