لاہور(این این آئی ) قومی احتساب بیور (نیب ) لاہور نے پیراگون سٹی کیس میں خواجہ سعد رفیق اور خواجہ سلمان رفیق سمیت 5 ملزمان کیخلاف ریفرنس احتساب عدالت لاہور میں دائر کردیا۔مرکزی ملزمان میں خواجہ سعد رفیق، خواجہ سلمان رفیق، عمر ضیا، ندیم ضیا اور فرحان علی شامل شامل ہیں ۔ نیب ریفرنس میں پیراگون سوسائٹی میں سادہ لوح شہریوں سے 59 کروڑ کے فراڈ کا الزام عائد کیا گیا۔ریفرنس کی مطابق خواجہ برادران پیراگون سٹی میں

93.6 فیصد شیئرز کے مالک ہیں۔ملزمان کیجانب سے50 کنال سے زائد کی سرکاری اراضی سوسائٹی میں شامل کرتے ہوئے کروڑوں روپے کے مالی فوائد حاصل کرنے کا الزام لگایا گیا ہے۔ خواجہ سعد رفیق نے پیراگون سٹی سے 5 کروڑ 80 لاکھ روپے مالیت کے فوائد حاصل کئے،خواجہ سلمان رفیق کی جانب سے 3 کروڑ 90 لاکھ کے مالی فوائد حاصل کئے گئے۔ دونوں ملزمان خواجہ سعد رفیق و سلمان رفیق اس وقت جوڈیشل ریمانڈ پر پر جیل میں ہیں۔