راولپنڈی (مانیٹرنگ ڈیسک) شمالی وزیرستان میں سکیورٹی چیک پوسٹ پر حملے کے دوران شرپسند سکیورٹی فورسز سے الجھنے کے ساتھ ساتھ ویڈیو بھی بناتے رہے۔ ایک نجی ٹی وی چینل کی رپورٹ کے مطابق شمالی وزیرستان میں چیک پوسٹ پر حملہ کرنے والے شرپسندوں کے عزائم بے نقاب ہو گئے، مسلح گروپ میں شامل بعض افراد خفیہ کیمرے اور موبائلز سے ویڈیو بناتے رہے، اس ویڈیو میں ایک شخص کیپ کے نیچے کیمرہ
چھپا کر لایا اور شرپسندی کی کارروائی کی ویڈیو بناتا رہا، اس ویڈیو بنانے کے مقاصد کیا تھے اور یہ ویڈیو کسے بھیجی جانی تھی، مسلح گروپ کے عزائم بے نقاب ہونے کے ساتھ ساتھ کئی سوال بھی پیدا ہو گئے۔ اس ویڈیو میں مسلح گروپ سیکورٹی فورسز کے اہلکاروں سے بلاوجہ الجھتا رہا لیکن فورسز کے اہلکاروں نے صبر و تحمل کا مظاہرہ کیا اور ان شرپسند افراد کو پیچھے ہٹنے اور پرامن رہنے کی تلقین کرتے رہے۔
