اسلام آباد (این این آئی)شہباز شریف کا نام ای سی ایل سے نکالنے پر نیب نے لاہور ہائی کورٹ کے فیصلے کیخلاف سپریم کورٹ سے رجوع کرلیا۔ جمعہ کو نیب نے نام ای سی ایل سے نکالنے کے فیصلے کے خلاف اپیل دائر کردی۔ نیب اپیل میں کہاگیاکہ لاہور ہائی کورٹ کا ای سی ایل سے نام نکالنے کا فیصلہ درست نہیں۔نیب اپیل میں کہاگیاکہ شہباز شریف نیب کی تحقیقات کو متاثر کرنے کی کوشش کررہے ہیں۔اپیل میں کہاگیاکہ خدشہ ہے کہ شہباز
شریف بیرون ملک فرار یا انڈر گراؤنڈ ہوجائیں گے۔اپیل میں کہاگیاکہ ملزم کی عدم دستابی پر نیب کی تحقیقات اور کارروائی رک جائیگی۔اپیل میں کہاگیاکہ مقدمے کے شریک ملزم سلمان شہباز پہلے ہی بیرون ملک فرار ہوچکے ہیں۔اپیل میں کہاگیا کہ لاہور ہائی کورٹ نے فیصلے میں نہیں بتایا کہ شہباز شریف کے کون سے بنیادی حقوق متاثر ہوتے ہیں۔اپیل میں کہاگیاکہ لاہور ہائی کورٹ کا فیصلہ کالعدم قرار دیکر شہباز شریف کا ای سی ایل میں نام بحال کیا جائے۔
