اسلام آباد (این این آئی)اسلام آباد ڈسٹرکٹ اینڈ سیشن کورٹس میں فرشتہ قتل کیس میں گرفتارسابق ایس ایچ او تھانہ شہزاد ٹائون کیلئے خصوصی پروٹوکول کا انکشاف ہوا ۔جمعرات کو رات تھانہ شہزاد ٹاون حوالات میں گزارنے والے کسی اور کیس سے گرفتار ایک ملزم کو عدالت میں پیش کیا گیا ۔ جج نے ملزم سے

استفسار کیا کہ کیا رات ایس ایچ او بھی حوالات میں آپ کے ساتھ تھا؟ ۔ملزم نے بیان دیا کہ نہیں ایس ایچ او حوالات میں میرے ساتھ نہیں تھا۔فرشتہ قتل کیس میں غفلت برتنے پر ایس ایچ او کے خلاف مقدمہ درج کیا گیا۔پولیس نے سابق ایس ایچ او غلام عباس کی گرفتاری ایک روز قبل ظاہر کی تھی۔