لاہور( این این آئی )وفاق کے بعد پنجاب میں بھی مالیاتی امور کی بہتری کیلئے نئی معاشی ٹیم میدان میں اتارنے کی شروعات کر دی گئی ،اکرم چوہدری کے استعفے کے بعد سابق وزیر خزانہ ڈاکٹر سلمان شاہ کو وزیر اعلیٰ پنجاب کا مشیر مقرر کرنے کی منظوری دیدی گئی ۔ذرائع کے مطابق پنجاب حکومت کو ریونیو ریکوری میں کمی اور بجٹ سازی میں
مشکلات کا سامنا تھا جس کے لئے ڈاکٹر سلمان شاہ کو ذمہ داری سونپنے کیلئے مشیر کا عہدہ دینے کا فیصلہ کیا گیا ۔پانچ مشیروں کی آئینی تعداد پوری ہونے کے بعد اکرم چوہدری سے استعفیٰ لیا گیا جسے منظور کر لیا گیا ہے ۔ ان کی جگہ سابق وزیر خزانہ ڈاکٹر سلمان شاہ کو وزیر اعلیٰ کا مشیر بنانے کی منظوری دیدی گئی ہے جو خزانہ کے معاملات دیکھیں گے۔
