لاہور (این این آئی)لاہور ہائیکورٹ نے سابق وزیر اعلیٰ محمد شہباز شریف کی ایما ء پر سبزہ زار میں پانچ افراد کو پولیس مقابلہ میں ہلاک کرنے پر بریت کے خلاف دائر درخواست پر فیصلہ سنادیا جس میں ٹرائل کورٹ کے بریت کے فیصلے کو بر قرار رکھاگیا ہے ۔لاہور ہائیکورٹ کے جسٹس قاسم خان کی سربراہی میں دو رکنی بنچ
نے فیصلہ جاری کیا۔ٹرائل کورٹ سے شہباز شریف کی بریت کے خلاف خورشید بیگم نے ہائیکورٹ سے رجوع کیا تھا۔ عدالت نے قرار دیا کہ خورشید بیگم ٹرائل کورٹ سے نوٹس جاری ہونے کے باوجود پیش نہ ہوئیں۔مدعی مقدمہ کو بریت پر اعتراض نہ ہونے کی بنا ء پر بری کیا گیا۔ضابطہ فوجداری 265 اے کے تقاضے پورے کیے گئے۔
