اسلام آباد(مانیٹرنگ ڈیسک)سابق وزیراعظم نوازشریف عدالتوں سے انصاف لینے کی خاطر وکیلوں کو فیسیں ادا کرنے سے تنگ آ گئے ،صحافیوں سے گفتگو کرتے ہوئے ان کا کہنا تھا کہ مجھے نہیں معلوم تھا کہ اس ملک میں انصاف حاصل کرنا اتنا مشکل ہے۔ میں وکیلوں کی فیسیں ادا کر کر کے تھک گیا ہوں۔انہوں نے حسرت بھرے لہجے میں کہاکہ کاش مجھے اس وقت پتا ہوتا
جب میں وزیراعظم تھا تو میں اس نظام کو اور وکیلوں کی فیسوں کو ٹھیک کرتا۔دوسری جانب مسلم لیگ (ن) کے قائد نواز شریف طبی بنیادوں پر ملنے والی ضمانت کی مدت ختم ہونے پر دھوم دھام سے گرفتاری دیں گے۔ اپنے قائد کو شایان شان طریقے سے گرفتار کروانے کیلئے کارکنوں کی بڑی تعداد پر امن جلوس کی شکل میں کوٹ لکھپت جیل چھوڑ کر آئے گی۔
