لاہور (آن لائن) مسلم لیگ (ن) کے قائد نواز شریف طبی بنیادوں پر ملنے والی ضمانت کی مدت ختم ہونے پر دھوم دھام سے گرفتاری دیں گے۔ اپنے قائد کو شایان شان طریقے سے گرفتار کروانے کیلئے کارکنوں کی بڑی تعداد پر امن جلوس کی شکل میں کوٹ لکھپت جیل چھوڑ کر آئے گی۔ میدیا رپورٹس کے مطابق مسلم لیگ ن کا مادل ٹاؤن میں مشاورتی اجلاس ہوا جس میں
نواز شریف کی کوٹ لکھپت جیل میں واپسی پر مسلملیگ ن کی حکمت عملی پر تبادلہ خیال کیا گیا۔ اجلاس میں فیصلہ کیا گیا کہ مسلم لیگ ن کے قائد کو کوٹ لکھپت جیل پر امن جلوس کی شکل میں لے جایا جائے گا۔ اجلاس میں یہ بھی فیصلہ کیا گیا کہ نواز شریف کے ساتھ ہونے والی نا انصافی کے خلاف آواز بلند کرنے کیلئے کارکنوں کو سڑکوں پر لایا جائے گا۔
